Нӕ зынаргъ Цӕгат Ирыстоны- Аланийы цӕрджытӕ!
Ӕрхӕццӕ нӕм кӕны Джеоргуыбайы кадджын бӕрӕгбон, ӕмӕ уӕ йӕ хорзӕх уӕд!
Уастырджимӕ кувӕн къуыри у нӕ сӕйрагдӕр ӕмӕ уарзондӕр бӕрӕгбӕттӕй иу. Джеоргуыба кӕрӕдзиуыл ӕнгом бӕтты нӕ Иры адӕмы хӕттытӕ, фидардӕр кӕны нӕ иудзинад ӕмӕ хӕлардзинад.
Къуырийы дӕргъы ӕппӕт Ирыстоны цӕрджытӕ ӕмӕ зӕххы къорийы ирон адӕм кувдзысты ирон бӕгӕныйӕ ӕртыгай чъиритӕ. Хуыцау ӕмӕ Уастырджийыл фӕдзӕхсдзысты сӕ бинонты, сӕ кӕстӕрты, курдзысты фарн ӕмӕ амонд, бӕркад, ӕнӕниздзинад ӕмӕ сабырдзинад.
Зынаргъ хӕлӕрттӕ!
Зӕрдиагӕй арфӕ кӕнӕм, цӕмӕй Уастырджимӕ кувӕн къуыри Ирӕн ӕмӕ Уӕрӕсейӕн ӕрхӕсса сабырдзинад!
Бӕлццӕтты ӕмӕ ӕфсӕддонты бардуаг – Уастырджи – ӕххуысгӕнӕг уӕд нӕ хъайтар фӕсивӕдӕн!
Азӕй-азмӕ нӕ бӕрӕгбоныл зӕрдӕрухс ӕмӕ амондимӕ куыд ӕмбӕлӕм, фыдбылызӕй хызт куыд уӕм, ахӕм арфӕ нӕ уӕд!
Хуыцау ӕмӕ Уастырджи уын ахъазгӕнӕг уӕнт уӕ царды ӕмӕ уӕ хъуыддӕгты! Арфӕгонд ут ӕмӕ уӕ бӕрӕгбоны хорзӕх уӕд!
⚪️🔴🟡
Цӕгат Ирыстоны-Аланийы Муниципалон сырӕзты цӕдис!